Tímar & námskeið
-
Barre
Barre er fjölbreytt og áhrifaríkt æfingakerfi sem sameinar styrktar- og þolæfingar, teygjur, hreyfanleika og æfingar sem stuðla að góðri líkamsbeitingu. Áhersla er lögð á nákvæmar hreyfingar, líkamsstöðu, jafnvægi og stöðugleika. Æfingarnar fara fram við stöng og á dýnu.
-
Mat pilates
Mat Pilates er frábær leið til að styrkja líkamann, bæta líkamsstöðu og byggja upp sterkan og stöðugan kjarna. Æfingarnar fara fram á dýnu og byggja á nákvæmum, stjórnuðum hreyfingum þar sem áhersla er á tækni, öndun og líkamsvitund. Æfingarnar henta mismunandi getustigum og hægt er að aðlaga þær að hverjum og einum.
-
Yin yoga & bandvefslosun
Rólegir tímar þar sem unnið er með bandvefslosun með boltum og léttum teygjum. Farið er í djúpar Yin teygjur þar sem stöðum er haldið lengi og hjálpa taugakerfinu að gefa betur eftir. Þessir tímar eru góðir til að ná endurheimt og róa huga og líkama.
-
Yoga 60+
Í tímunum styrkir þú líkamann, eykur liðleika, bætir jafnvægi og samhæfingu. Æfingarnar mýkja bandvef, draga úr stífleika, auka blóðflæði og næringu til vefja, auk þess sem þær geta stuðlað að bættri líkamsstöðu og minnkað verki.
-
Mömmutímar
Æfingarnar byggja á barre æfingakerfinu, þar sem við vinnum með stöðugleika, kjarnastyrk og líkamsbeitingu. Barre er einstaklega skemmtilegt og áhrifaríkt æfingakerfi sem hentar vel eftir meðgöngu þar sem þú styrkir djúp vöðva, mjaðmagrind og bak og við vinnum aðallega með eigin líkamsþyngd og létt lóð.
-
Krílafimi - 2 til 4 ára
Í gegnum leik, dans, söng, jóga og fjölbreyttar æfingar fá börnin tækifæri til að efla líkamsvitund, samhæfingu, jafnvægi og sjálfstraust – allt í notalegu og hvetjandi umhverfi.
-
Unglingar - Barre og Pilates X KENZEN
Barre og Pilates eru fjölbreytt æfingakerfi sem leggja áherslu á styrk, liðleika, jafnvægi og góða líkamsbeitingu. Notast er við létt lóð, bolta og teygjur í fjölbreyttum, lifandi og krefjandi æfingum. Tímarnir henta jafnt byrjendum sem þeim sem hafa stundað íþróttir áður. Allar æfingar fara fram undir faglegri leiðsögn þjálfara og er lögð áhersla á góða tækni og örugga líkamsbeitingu.
-
Yoga Nidra
Yoga Nidra er djúpslökun og hugleiðslutækni sem nýtir náttúrulegt ferli svefnsins til að stuðla að djúpri hvíld og endurnæringu. Líkaminn fær tækifæri til að hvílast á meðan hugurinn er vakandi og meðvitaður. Áherslan færist frá því að hugsa og gera yfir í að finna, skynja og einfaldlega vera.
Um okkur
Í Tilveran Studio mætum við þér þar sem þú ert, hvort sem þú sækist eftir krefjandi æfingum eða mjúkum jógatímum, bandvefslosun og slökun. Hjá okkur æfir þú í minni hópum, þar sem þú færð persónulega leiðsögn og einstaklingsmiðaða þjálfun, svo þú náir sem bestum árangri.
Komdu og upplifðu kraftinn, mýktina og vellíðanina í Tilveran Studio.
Bóka tímaKonur og heilsa
-
Andrými – Konur í kyrrð og Krafti
Hlédrag í ævintýra húsinu Hól á Siglufirði Vilt þú verja með okkur dásamlegri helgi þar sem við slökum á, nærum líkama og sál og…
-
Hver er þín afsökun?
Í amstri dagsins hættir okkur til að gleyma mikilvægi þess að hlúa að heilsunni. Að sinna sér er ekki sjálfselska, heldur nauðsynlegt bæði fyrir…
-
Hvað er Barre?
Barre er einstök líkamsrækt sem sameinar æfingar úr ballett, pilates og jóga. Æfingakerfið hefur náð gríðalegum vinsældum á undanförnum árum enda áhrifaríkt æfingakerfi. Lotte…
Algengar spurningar
Get ég skráð mig í prufutíma?
Það er alltaf velkomið að koma í prufutíma. Tíminn er öllum að kostnaðarlausu, en mikilvægt er að skrá sig fyrirfram þar sem takmarkaður fjöldi er í hverjum tíma.
Hversu margir eru í hverjum tíma?
Við erum með 14–16 iðkendur í hverjum tíma svo allir hafi gott pláss til að æfa og fái þá athygli og leiðsögn sem þeir þurfa.
Hvað þarf ég að hafa með mér í tíma?
Allur æfingabúnaður er á staðnum. Þér er velkomið að taka með þér jógahandklæði, koma í pilates sokkum eða annað sem þú þarft eftir því sem hentar.
Þarf ég að hafa grunn í dansi til að geta mætt í barre-tíma?
Nei, tímarnir henta öllum, bæði byrjendum og lengra komnum. Allar æfingar eru skalanlegar og því er hægt að aðlaga þær að þörfum hvers og eins.
Eru búningsklefar og sturtur?
Það er búningsherbergi, tvö salerni og ein sturta sem allir iðkendur hafa aðgang að.
Hvar er best að leggja?
Það eru tveir inngangar í stúdíóið. Það er nóg af bílastæðum en það er bæði hægt er að leggja á Garðatorgi, í bílakjallaranum og við Hrísmóa (hurð með appelsínugulu skilti).
Er pláss fyrir barnavagna fyrir mömmutímana?
Það er nóg pláss bæði fyrir framan og aftan. Inngangurinn við Garðatorg er innandyra, þannig að hægt er að koma með börnin og leyfa þeim að sofa inni.