Tilveran

MÍNAR SÍÐUR

BÓKA TÍMA

Þjálfarar

þjálfarar

Alla er uppalin á Fáskrúðsfirði og fluttist suður um aldamótin.

Hún er menntaður kennari með diplómu í jákvæðri sálfræði frá HÍ og hefur réttindi til að kenna Rope yoga, yoga fyrir börn og unglinga og barre-kennslu. Hún er einnig með diplómu í lífsráðgjöf.

Síðustu sex ár hefur hún starfað sem heilsuráðgjafi og yfirþjálfari í heilsurækt í Reykjavík.

Alla brennur fyrir því að hjálpa fólki að bæta líkamlega og andlega heilsu með heildrænni nálgun.

Leyndur hæfileiki: smiðsauga og tilfinning fyrir því sem stundum gerist áður en það gerist.

Aðalheiður Jensen

Eigandi og þjálfari

Envelope

Þóra er fædd og uppalin í Reykjavík. Hún fékk snemma áhuga á hreyfingu og dans og stundaði jazzballet á unglingsárum.

Eftir menntaskóla flutti hún til Danmerkur þar sem hún lærði útstillingahönnun og fór síðan í auglýsingahönnunarnám í Florida. Hún kynntist jóga árið 2009 og fann strax sterka tengingu við iðkunina.

Á árunum 2022–2023 lauk hún kennaranámi í Power yoga og Yoga Nidra og hefur kennt síðan. Ástríða hennar er að hjálpa fólki að líða vel í líkama og sál, og henni finnst fátt betra en að sjá vellíðan í andlitum fólks eftir jóga tíma.

Leyndur hæfileiki: Getur tekið hluti upp af gólfinu án þess að nota hendur eða fætur.

Þórleif Sigurðardóttir

Jóga & bandvefslosun

Envelope

Íris er uppalin í Hafnarfirði og byrjaði ung að dansa. Hún fann strax að dansinn væri hennar griðastaður.

18 ára flutti hún til London til að stunda nám við Rambert School of Ballet and Contemporary Dance, þar sem hún útskrifaðist með BA gráðu með hæstu einkunn (First Class). Samhliða náminu lauk hún einnig kennararéttindum hjá The Barre Collective í London.

Síðar dansaði hún með Emergence Postgraduate Dance Company í Manchester og lauk þar MA gráðu í Performance and Professional Practices.

Íris hefur tekið þátt í fjölbreyttum dans- og listaverkefnum, bæði á Íslandi og erlendis, sem dansari og danshöfundur. Hún hefur einnig kennt við Listaháskóla Íslands og víðar.

Leyndur hæfileiki: Skrifar ljóð á ýmsum tungumálum. 

Íris Ásmundardóttir

Barre & pilates

Envelope

Svava Marín er fædd í Reykjavík en ólst að hluta til upp í Danmörku. Hún byrjaði sjö ára gömul að æfa jazzballett og æfði síðar einnig ballett og nútímadans. Hún var á listdansbraut hjá Jazzballettskóla Báru og stundaði þar dansnám til 21 árs aldurs.

Svava Marín er með B.A. gráðu í dönsku og fjölmiðlafræði, og diplómagráðu í stafrænni markaðssetningu. Síðastliðin ár hefur hún starfað í fjölmiðlum, bæði hjá Fréttablaðinu og Vísi.

Árið 2017 lauk hún kennsluréttindum í Barre.

Leyndur hæfileiki: er með óvenju liðuga þumalfingur. 

Svava Marín Óskarsdóttir

Barre & pilates

Envelope

Jana, eins og hún er alltaf kölluð, er jógakennari og heildrænn heilsuráðgjafi. Hún er fædd og uppalin í Reykjavík og hefur frá unga aldri haft djúpan áhuga á öllu sem tengist heilsu, næringu og heilbrigðum lífsstíl.

Hún kynntist jóga árið 2008 og hóf fljótlega að stunda það reglulega. Áhuginn þróaðist smám saman í dýpri köllun og hún lauk 200 tíma kennaranámi í Ashtanga Vinyasa jóga.

Eftir að Jana flutti aftur til Íslands með fjölskyldu sinni árið 2022 bætti hún við sig réttindum í Yoga Nidra. Síðan þá hefur hún sérstaklega lagt áherslu á að kenna jóga fyrir 60 ára og eldri, þar sem mildi, líkamleg vellíðan og tenging við eigin líkama og lífskraft eru í forgrunni.

Í dag fær hún að sameina það sem hún elskar mest: að elda hollan og næringarríkan mat, fræða um heilbrigðan lífsstíl og kenna jóga.

Kristjana Steingrímsdóttir

Jóga 60+

Envelope