Jana steingrímsdóttir, jógakennari og heilsukokkur, töfrar fram hverja hollu uppskriftina af fætur annarri. Bleiku kókosmolarnir eru engin undantekning, einfaldir í undirbúningi, næringarríkir og ómótstæðilegir á bragðið.
Uppskriftina má nálgast hér að neðan:
Hráefni:
- 4 bollar kókosmjöl
- 1 bolli möndlumjöl
- 2 msk kollagen duft (valfrjálst)
- 1/3 bolli fljótandi kókosolía
- 1/3-1/2 bolli akasíu hunang eða önnur fljótandi sæta
- 1 tsk vanilla
- 5-6 hylki af rauðrófudufti (opnið hylkin og notið duftið úr belgjunum)
- smá salt
Aðferð:
- Öll hráefnin eru sett í skál og hrærð vel saman. Einnig má nota matvinnsluvél til að blanda hráefnunum.
- Setjið deigið á bökunnarpappírsklæddan platta eða bretti sem passar í frysti. Leggið aðra örk af bökunnarpappír ofaná deigið og fletjið vel út.
- Frystið og skerið bitnana og geymið bitana í lokuðu íláti í frysti.
- Bræðið hvítu súkkulaði og dreifið yfir bitana.
- Það er líka voðalega fallegt að búa til litlar kúlur og velta upp úr kókosmjöli, setjið í box og geyma þannig í frysti.