Lýsing
Námskeið fyrir unglinga í Barre og Pilates
Námskeiðið er haldið í samstarfi við lífsstílsvörumerkið KENZEN. Allir þátttakendur fá vörur frá KENZEN.
Á námskeiðinu kemur Lana Kristinsdóttir, eigandi og stofnandi KENZEN, í heimsókn og segir frá stofnun fyrirtækisins sem hún stofnaði aðeins 21 árs gömul. Hún deilir einnig sinni reynslu af því að byggja upp fyrirtæki frá grunni á ungum aldri.
Á unglingsárunum hætta margir í hefðbundnu tómstundastarfi. Því er mikilvægt að bjóða upp á hreyfingu sem er bæði skemmtileg og uppbyggileg og stuðlar að auknum styrk, vellíðan og sjálfstrausti – bæði líkamlega og andlega. Tímarnir fara fram við skemmtilega tónlist og áhersla er lögð á að skapa jákvætt og hvetjandi umhverfi.
Færri komust að en vildu á síðasta námskeið.
Barre og Pilates eru fjölbreytt æfingakerfi sem leggja áherslu á styrk, liðleika, jafnvægi og góða líkamsbeitingu. Notast er við létt lóð, bolta og teygjur í fjölbreyttum, lifandi og krefjandi æfingum.
Tímarnir henta jafnt byrjendum sem þeim sem hafa stundað íþróttir áður. Allar æfingar fara fram undir faglegri leiðsögn þjálfara og er lögð áhersla á góða tækni og örugga líkamsbeitingu.
Kennari námskeiðsins er Svava Marín.